سؤال رقم 81: ورد هذا السؤال بتاريخ 09.10.2020 على صفحتنا على فيسبوك:

السؤال:
اهلا استاذ اتمنى تكون بصحة جيدة و بتمام العافية

عندي سؤال حيرني

Hut هي اسم مؤنث

Die Hut

في مثال Jochen trägt einen Hut

لمذا وضعنا einen

Einen تكون مع der و der مذكر

الجواب:

السلام عليكم ورحمة الله وبركاته أخي الكريم،

كلمة Hut كلمة مذكرة لفظاً واداتها der

اما لو كان اداتها die فهي كلمة لغة متخصصة وتعني

إشراف/ رقابة/حماية

وطبعا في نطاق استخدام محدود جدا ليس للدراسين.

تحياتي،

أحمد شكري

سؤال رقم 82: ورد هذا السؤال بتاريخ 27.11.2020 على صفحتنا على فيسبوك:

السؤال:
السلام عليكم ورحمة الله وبركاته 

Wie geht es Ihnen?

Ich hoffe im gut

Entschuligung, ich habe eine frage lehrer Ahmed. 

Wir gehen nach dem Essen einen freund besuchen.

الافعال هنا مصرفة مع wir 

لو مع ich هل نصرف كل الافعال 

Ich gehe nach dem Essen einen freund besuche.

سؤال اخر من بعد اذنك استاذ احمد 

علاش نقول Steht mir gut 

Mir = ich 

المفروض نصرف stehen مع ich 

Das Stehe mir gut

الجواب:

وعليكم السلام ورحمة الله وبركاته سيد ****،

الإجابة على سؤالك الأول:

فعل gehen هنا يعمل وكأنه Modalverb وبالتالي الأفعال في النهاية دائماً في حالة المصدر:

Ich gehe Freunde besuchen.

Du gehst Freunde besuchen.

وبالنسبة للسؤال الثاني:

التصريف الخاص بالفعل يكون دائماً مع الفاعل، والفاعل هو das وليس أنا

Das steht mir gut.

في العربية نقول: هذا يناسبني.

وليس

هذا أناسبني

تحياتي،

احمد شكري

سؤال رقم 83: ورد هذا السؤال بتاريخ 06.12.2020 على موقعنا الإلكتروني:

السؤال:

الافعال التى ترتبط بحروف جر 

مثلا denken an /freue auf / traumen von

هل لايكتمل معنى الفعل الا بالحرف ام يمكن استخدام الفعل بدونها ..مثلا 

Ich warte so lang .

السؤال صراحه لاني لا اتمكن من النجاح في تخمين الحرف الصحيح مع الفعل فهل لابد من حفظها ام يمكن استخدام الفعل وحده 

شكرا لكم كثيرا 

اعتز بردكم واهتمامكم 

وارغب حقا ان تتاح لي فرصه للتعلم مباشرة لديكم  جزاكم الله خيرا عن كل جهودكم في نشر العلم النافع 

الجواب:

السلام عليكم،

الأفعال المرتبطة بحروف جر يتم استخدامها في حال رغب المتحدث بتعدي أثر الفعل لمجرور، ولكن إذا لم يرغب لا يحتاجها، مثلاً:

- Wenn ich Fotos von meiner Stadt sehe, träume ich.

هنا انا مقولتش بحلم بإيه وعشان كده لم أحتاج لحرف الجر، ومثال حضرتك صحيح.

اما بخصوص تخمين حرف الجر الصحيح فأقول لحضرتك التعليق اللي أستخدمه في محاضراتي...

في مصر بنقول "أتصل بيك"

في السعودية "أتصل عليك"

في سوريا "أتصل فيك"

وكلهم يعتقد انه يستخدم حرف الجر الصحيح! نفس الوضع للألمانية... 99% من حروف الجر المرتبطة بالأفعال لا يمكن تخمينها لاختلاف الثقافة اللغوية وبالتالي حفظها هو الأساس.

وشكراً جزيلاً على كلام حضرتك الطيب.

تحياتي، أحمد شكري

سؤال رقم 84: ورد هذا السؤال بتاريخ 23.12.2020 على موقعنا الإلكتروني:
السؤال:
السلام عليكم ورحمة الله وبركاته 

اولا بارك الله فيك علي هذا المجهود العظيم وجعله الله في ميزان حسناتك 

ثانيا السؤال بخصوص الحلقة 33 حضرتك كنت بيتقول في مثال لmüssen إن انا يجب علي المذاكرة تمام وده شئ مش حابه بس مفروض عليه اما في مثال الصلاة جبت معاها sollen بس المفروض ان الصلاة دي حاجه واجبه عليا وليها عواقب لو معملتهاش فايه السبب اللي خلاك تقول ينبغي ومتولش يجب 

وبارك الله فيك 

وشكرا مقدما 

تحياتي من مصر

الجواب:

السلام عليكم ,ورحمة الله وبركاته سيد ******،

شكرا جزيلا على مراسلتك لموقعنا ونتمنى أن نكون محل ثقتك.

وصلنا منك إستفسار لغوي وأحب في البداية ان اشكرك على طيب كلامك وأعتذر عن تأخر ردي نظراً لظروف السفر الأخيرة.

الألمان بيفهموا من فعل müssen زي ما قولنا الإجبار، ان الشخص مكره او مجبر... حتى ولو كان فيه عواقب على ترك الصلاة ولكن انت لا تحب انك توصل شعور انك مكره على الصلاة... لو قولت:

Ich muss beten.

هيتفهم فوراً انك مكره على الصلاة. ماهو برضه ترك العمل ليه عواقب سلبية ومع ذلك بنستخدم müssen لاننا مجبرين على العمل وعايزين نوضح اننا كارهين لده.

تحياتي،

أحمد شكري

سؤال رقم 85: ورد هذا السؤال بتاريخ 22.01.2021 على موقعنا الإلكتروني:
السؤال:

سؤالى بخصوص درس ال Nominalisierung وان شاء الله عارف انى هلاقى الاجابه عند حضرتك :- 

sprechen :- der sprecher die sprecherin das Sprechen das Gespräch 

kommen :- _________ __________ das Kommen ________ 

سؤالى الاول : 

ايه الفرق حضرتك بين اخر اسمين ولو مش موجود الاسم التانى زى مع الفعل kommen اتصرف ازاى ودة زى مقارنه حضرتك ف الفيديو بين das Suchen , die Suche 

سؤالى التانى والاخير : 

ايه الفرق بين اسم الفاعل المذكر والمؤنث للفعل sprechen واستخدام قاعده partizip 1 ومع فعل زى kommen اللى مش ليه صيغه كالتالى der kommer , die kommerin هتصرف ازاى 

الجواب:

السلام عليكم أ/ *****،

شكرا جزيلا على مراسلتك لموقعنا ونتمنى أن نكون محل ثقتك.

وصلنا منك إستفسار نحوي وطبعا يسعدني اجاوبه!

هو بس النقطة الأولى اللي فيها فراغات بعد kommen مفهمتهاش اوي، اعتقد حضرتك تقصد اسم الفاعل من فعل kommen ولو ده صحيح فالإجابة انه مفيش ... مش كل الأفعال يأتي منها اسم فاعل،

مثلاً فعل ينصت zuhören منه اسم مستمع Zuhörer ولكن فعل stehen مفيش منه الكلام ده! مش هيكون ليه معنى اساسا... وحتى كمان لو تقصد مقابل لـ das Gespräch بمعنى المحادثة فمفيش كلمة من فعل kommen تعطي معنى مشابه... انا حتى مش عارف اتخيل المعنى المطلوب بالعربي ممكن يكون ايه.

اما إجابة سؤال حضرتك الأول، وهو ايه الفرق بين das Sprechen و das Gespräch فالفرق بينهم كبير:

كلمة das Sprechen تعني التحدث، اما das Gespräch فمعناها المحادثة نفسها.

وكذلك كلمة das Suchen تعني عملية البحث عن شيء، الفعل نفسه كإجراء مرهق او طويل المدى وهكذا،

اما die Suche فهو البحث نفسه اللي بدأته الشرطة مثلا من ايام وهينتهي خلال اسبوع ... وليس إجراء البحث.

إجابة سؤال حضرتك الثاني:

der Sprecher معناها المتحدث الذكر... رجل

اما die Sprecherin فهي امرأة... أعتقد اني مفهمتش سؤالك صح.

اما الـ P I مع فعل زي kommen ليصبح kommend فهو بيتحول لصفة تقريبا وليس إسم.... فرق نحوي، لكنه اسلوب للوصول لإسم الفاعل.

يعني لو قولت:

Der Sprecher heißt Martin.

(الرجل) المتحدث اسمه مارتين.

Der kommende Mann heißt Martin.

الرجل القادم يدعى مارتين.

بس كده، لكن مفيش حاجة اسمها Kommer زي ما ذكرت فوق.

تحياتي وبالتوفيق،

أحمد شكري

سؤال رقم 86: ورد هذا السؤال بتاريخ 28.01.2021 على قناتنا على اليوتيوب:
السؤال:

السلام عليكم ورحمة الله وبركاته

جزاك الله خيرا وجعل هذا العمل الرائع فى ميزان حسناتك 

فيه بعض الأفعال مع du بتأخذ e فى الآخر ايه السبب

الجواب:

جزاك الله كل خير أولاً وبارك فيك وفيما رزقك وشكرا جزيلا على طيب كلامك ... 

بعض الأفعال تأخذ e فعلا في الأمر مع du لان الناس قالوها كده في اللعة العامية وبعض الأفعال عشان ميحصل تشابه مع أسماء ذات... زي مثلاً فعل arbeiten لو هيكون في الأمر مع du هيصبح Arbeit! فقد يتم فهمها على انها "عمل"

سؤال رقم 87: ورد هذا السؤال بتاريخ 04.05.2021 على صفحتنا على فيسبوك:
السؤال:

السلام عليكم هير أحمد

Geben Sie die Butter in die Pfanne 

مش المفروض تكون in der Pfanne 

علشان إجابة Wo ؟ والفعل يضع لا يدل علي الحركة

Verteilen Sie die Schinkenwürfel auf dem Salat 

وهنا الفعل يدل علي الحركة ورغم ذلك إستخدام auf dem

Wir müssen heute lange arbeiten 

حضرتك قلت إن الحال بتوصف الفعل ، ليه الحال واخد نهاية كأنه صفه

Sie sammelten eine ganze Tüte voll 

هل voll دي صفه ولا حال ؟ وليه أخر الجملة مش المفروض قبل الإسم

Jetzt war sein Vater der Meinung, dass Rosa ein Haustier ist.

مش المفروض نقول رأي والده Genintiv 

Die Meinung seines Vater

Er schaut ihr in die Augen 

ليه ihr dativ وليه in die Augen 

 مش فعل schauen بيعمل Akk

الجواب:

وعليكم السلام ورحمة الله وبركاته أ/ ****،

هل الزبدة في الطاسة؟ الإجابة لا,,,, جاري وضعها ... إذا wohin

-------------------------------------

verteilen هنا معناها يوزع، وعلى فكرة تمشي على الوجهين... يعني لو بمعنى bestreuen ممكن تتفهم wohin لكن برضه مش معناها ان مكعبات اللحم مش موجودة لسا على السلطة، وبالتالي تمشي wo.

---------------------------------------------------------------------

ماهو حضرتك lange أصلاً صيغة Adverb... حتى مع وجود الـ e وتقدري حضرتك تشوفيها في القاموس.

---------------------------------------------------------------------

voll في الجملة دي حال Adverb، مكانها تبعاً لذلك مش مقيد بالإسم.

------------------------------------------------------------------

jd. ist der Meinung

يكون منه رأيه... ده مصطلح يُحفظ... وكذلك

Ich bin der Ansicht.

Ich bin der Auffassung.

هنا مفيش تفسير منطقي ليه دول Dativ.

-----------------------------

الجملة الأخيرة مفيهاش مفعول به اساسا... هي مذكورة داتيف كمفعول به ثان غير مباشر، والعيون مجرور بـ in، وبالتالي مفيش تعارض مع معلومات حضرتك عن الفعل. أتمنى أكون جاوبت سؤال حضرتك.

تحياتي،

أحمد شكري

سؤال رقم 88: ورد هذا السؤال بتاريخ 07.05.2021 على موقعنا الإلكتروني:

السؤال:

السلام عليكم هل يا مستر... هل فى جدول لكل الافعال المنعكسه عشان اعرف احط اكوزاتيف ولا ضاتييف بعد الفعل زى sich antrengen بعد antrengen احط ايه............ich anterenge mich احط بعد mich اكوزاتيف ولا ضاتيف ياريت لو فى جدول افعال للتسهيل

الجواب:

وعليكم السلام ورحمة الله وبركاته سيد ****،

حضرتك المفروض تعرف تعدي الفعل في الأساس Akkusativ ولا Dativ... وبالتالي المنعكس هيكون على نفس الحالة... يعني مثلاً فعل anstrengen اللي حضرتك استشهدت بيه... هل تعديه في الحالة الطبيعية بيكون بأي حالة؟ ساعتها المنعكس هيكون نفس الحالة بالضبط.

أتمنى أكون أجبت عن سؤالك.

تحياتي

سؤال رقم 89: ورد هذا السؤال بتاريخ 25.06.2020 على موقعنا الإلكتروني:

السؤال:

سلام عليكم هو انا كنت الاسبوع اللي فات السبت للقناه وكنت كتبت لحضرتك في كومنت عايز اعرف نطق حر r وبالذات في كلمة woher و der er وهل vفي كلمةverb و akkusatif وداتيف بتنطق vولاf

الجواب:

السلام عليكم أ/ ****،

شكرا جزيلا على مراسلتك لموقعنا ونتمنى أن نكون محل ثقتك.

حرف w ينطق دائماً مثل الـ v الإنجليزية... دائماً!!! يعني مثل ڤ

فكلمة مثل woher يتم نطقها ڤوهير

اما V في الألمانية فنطقها ف عادية جداً... ولذلك نقول von فون

في بعض الكلمات اللاتينية مثل كلمات النحو والإعراب يجوز نقطها مثل النطق الإنجليزي ڤ مثل في كلمة Verb ڤيرب.

أتمنى أكون أجبت استفسارك.

تحياتي،

أحمد شكري

سؤال رقم 90: ورد هذا السؤال بتاريخ 01.11.2021 على موقعنا الإلكتروني:

السؤال:

السلام عليكم هير احمد 

ايه الفرق بين nicht و nichts 

وليه في الجملة دي Es gibt nichts Neues zu berichten 

ليه قولنا nicht مش kein

الجواب:

السلام عليكم أ/ ****،

شكرا جزيلا على مراسلتك لموقعنا ونتمنى أن نكون محل ثقتك.

nicht معناها "لا / ليس".... طبعا تستخدم للنفي في الحالات المعروفة....

اما nichts فمعناها "لا شيء" .... ومينفعش يجي بعدها اسم منفي:

Hier hat man einfach nichts!

ببساطة ليس لدى المرء هنا أي شيء!

اما المثال المرسل من حضرتك ده قصة تانية وتم شرحه بالكامل في درس 65 من سلسلة القواعد من هنا:

https://www.ahmed-shoukry.com/grammatik-inhalt

لو لحضرتك أي سؤال فيسعدني الإجابة عليه.

تحياتي،