سؤال رقم 31: ورد هذا السؤال بتاريخ 10 أكتوبر 2018 على صفحتنا على الفيسبوك:

السؤال:
صباح لورد استاذي لفاضل

Ein Girokonto hat also viele Vorteile,es hat aber auch einen Nachteil:die ...............,die der Kontoinhaber von der Bank bekommt,sind nicht so hoch wie beim Sparbuch

فالفراغ لازم اكتب Nachteile?

من بعد اذنك استاذي

الجواب:

السلام عليكم أ/ ****... انا رديت على حضرتك في اللايف.. الفراغ يكتب فيه الشيء الذي لا تحصل عليه بشكل كبير مثل في صندوق التوفير..

الجملة معناها كالآتي:

حساب الجيرو به الكثير من المميزات ولكن أيضاً عيب. الـــ ..... الذي تحصل عليه من البنك ليس مرتفعا كما هو الحال في دفتر التوفير...

للاسف لا أعلم ما المقصود هنا لعدم درايتي الكافية بأنواع الحسابات البنكية.

سؤال رقم 32: ورد هذا السؤال بتاريخ 21 أكتوبر 2018 على صفحتنا على الفيسبوك:

السؤال:
لي تعليق بسيط .. الفرق بين kein و nicht تقريبا مشابه فى اللغة العربية ل لا ولست .. بتقدر تنفي اسم العلم ب لست .. ومعلش سؤال بخصوص keinen امتى بتيجي أو ايه حالات استخدامها. وشكرا لمجهود حضرتك الرائع فى القواعد

الجواب:

طيب هو بخصوص الترجمة العربية فالموضوع مختلف قليلاً.... لو قلت:

هذة ليست سيارة. Das ist kein Auto.

هذة ليست سيارتي. Das ist nicht mein Auto.

هنا بالعربي استخدمت "ليست" ولكن في الألمانية اختلفت... يرجى عدم ربطها بالعربي لتجنب الخلط... 

اما عن keinen فيإجابتها بإذن الله في الدرس الـ 28 ... متستعجليش وشوفي الدروس بالترتيب عشان المعلومة توصل بشكل صحيح...

سؤال رقم 33: ورد هذا السؤال بتاريخ 22 أكتوبر 2018 على صفحتنا على الفيسبوك:

السؤال:

السلام عليكم استاذ احمد 

بعد اذن حضرتك كنت عايزه اعرف ايه الفرق بين die Wotre und die Wörter ولكم جزيل الشكر

الجواب:

وعليكم السلام ورحمة الله أ/ ****

Wörter هي كلمات مفردة... يعني توصيف نحوي أكثر

Worte

معناها كلمات بمعنى (عبارات) يعني واحد بيتكلم عني كويس هقوله

Danke für deine netten Worte

المقصود بيها هنا كلامك الطيب .. ليس كلمات مفردة ...

سؤال رقم 34: ورد هذا السؤال بتاريخ 05.11.2018 على موقعنا الإلكتروني:
السؤال:
هل تصرف rießsen كتصريف super اي بمعنى اخر لا تصرف مع الاسماء التي بعدها سواء كانت مذكر مؤنث او محايد

الجواب:

مرحبا سيد ****،

وصلتنا رسالتك بخصوص السؤال اللغوي:

"هل تصرف rießsen كتصريف super اي بمعنى اخر لا تصرف مع الاسماء التي بعدها سواء كانت مذكر مؤنث او محايد" 

للأسف لم أفهم سؤالك. الفعل غير موجود بالألمانية ولا أعلم ماذا تقصد بتصريف "super" ... هل تقصد فعل شاذ unregelmäßig أم أنه فعل قوي stark؟

وعلى كل حال لا يوجد قاعد تقول ان هناك أي شيء يُصرف بناء على ما بعده.

أرجوا الإيضاح.

تابع السؤال:

السلام عليكم استاذ،

احب اعتذر منك لاني كتبت الصفة بشكل خاطئ 

انا اقصد الصفة riesig لكن كتبتها بشكل خاطئ 

وبعد ما بحثت وجدت انها تصرف مثلها كمثل باقي الصفات.

سؤال:

ايوجد صفات اخرى كالصفة super لا تصرف بحسب الاسم الذي بعدها (الموصوف)؟

مثلا نقول 

ein super Auto 

وليس ein superes Auto

وهكذا مع باقي الاسماء تبقة super على حالها بدون اضافة.

شكرا سلفا وجزاك الله خيرا 

تابع الجواب:

السلام عليكم ورحمة الله وبركاته أ/ ****،

فعلا هناك صفات أخرى لا يتم تصريفها أبدا.... شوف .. كل الصفات المشتقة من أسماء مدن أو قرى بالإضافة لبعض الصفات الواجب حفظها هتلاقيهم هنا في اللينك ده:

https://de.wiktionary.org/wiki/Kategorie:Adjektiv_indeklinabel_(Deutsch)

بالتوفيق يا بطل.

سؤال رقم 35: ورد هذا السؤال بتاريخ 29.12.2018 على قناتنا على اليوتيوب:
السؤال:

شكراً ليك ... آخر جملة ذكرتها

fehlende Grammatikkenntnisse auffrischen

ليه مقولناش القواعد المنقوصة وهتبقي في الP. P

الجواب:

دكتور ****،

شوف يا صديقي ... الفعل fehlen معناه

يكون ناقص / يكون غير موجود

وبالتالي لو وضعته في P II  هيكون معناه الذي أُنقص.. يعني فيه شيء آخر هو اللي نقص أو غاب منه ... طبعا المعنى غلط لانك بمنتهى البساطة عايز تقول المعرفة النحوية الناقصة... يبقى هي اللي تكون ناقصة ... يبقى جملة Aktiv يبقى P I

سؤال رقم 36: ورد هذا السؤال بتاريخ 10.01.2019 على قناتنا على اليوتيوب:
السؤال:

معلش مش فاهمه نقطة ال es يعني ايه بيعوض عن الحاجات المحايده لفظاً ؟

الجواب:

فيه نوع من انواع أسماء الذات محايد لفظاً .. يعني لا هو مذكر ولا هو مؤنث... الضمير es هو اللي يعوض عنه.

سؤال رقم 37: ورد هذا السؤال بتاريخ 13.01.2019 على صفحتنا على الفيسبوك:
السؤال:

يارب بالتوفيق انشاء الله بعد ما اخلص الامتحان انشاء الله استفسر من حضرتك والتزم امتحاني ٢٥ .١ . عايز اسال حضرتك ايه معنى ... Entschuldige ich revanchiere mich . ترجمتها طلعت معايا معنى انتقم ومعنى ثاني اصالح . وشكرا ليك ربنا يوفقك ويحفظك

الجواب:

السلام عليكم أ/ ****، بالتوفيق يا بطل ... وحشتنا في اللايف والله ..

معرفش ازاي مشوفتش رسالتك النهاردة ..

شوف يا صديقي ..  هي فعلا ليها المعنى تبع ينتقم أو يأخذ بالثأر... المعنى الآخر هو انه يرد المعروف او الجميل

في جملة حضرتك المقصود بيها انه هيرد المعروف اللي اتقدمله من قبل... 

حتى لو عن طريق الشكر.

ولا شكر على واجب يا أ/ ****... والله العظيم ان الواحد بس يحس ان ناس زيكم بتستفيد او اني بقدر اساعد بأي طريقة ناس زيكم محترمة مشرفة اساميها ودينها ده لوحده يخلي فرض عليا اللي بعمله واكتر

تصبح على كل خير يا بطل وربنا يبارك فيك وفيما رزقك

سؤال رقم 38: ورد هذا السؤال بتاريخ 14.01.2019 على صفحتنا على الفيسبوك:

السؤال:

تم يا استاذنا

Es wäre ja wirklich toll, wenn ich einen Termin bevor diesen Datum 25.02.2019 bekommen kann da das mein Plan wirklich dienen kann.

هو كدا صح ؟!

لو الممرضة بتربط الرباط وزانق ع ايدى قوى،

عاوز اقولها انتى رابطة جامد اقولها ازاى؟

قولتلها  Das ist so doll  مافهمتهاش

الجواب:

السلام عليكم يا دكتور **** ..... بخصوص رسالتك الأولى فيها أخطاء كثيرة للأسف...

vor مش bevor

الجمل صعب فهمها من غير نقط ولا فواصل... انا مش عارف ايه اللي جاب bekommen جنب kann وهل هما في وسط جملة ولا في اخرها .. 

ومينفعش da وبعدها das ... المعنى الكامل وقع مني على فكرة 

اما بخصوص اللي انت قولته للممرضة فطبيعي انها متفهمش لان doll دي مش الماني .. دي لكنة في بعض الأرياف بديل ل toll هههههههههههههههههه

قولها Machen Sie das Band bitte ein bisschen lockerer.

سؤال رقم 39: ورد هذا السؤال بتاريخ 17.01.2019 على قناتنا على اليوتيوب:

السؤال:

استاذ احمد اشكرك علي مجهود وجزاكم الله كل خير ياريت بس حضرتك توضحلى ليه هنا مش Perfekt ( Albert Einstein wird am 14 Marz 1879 geboren ) 

ليه استخدمنا هنا Passiv ? جزاك الله خيرا

الجواب:

وجزى الله حضرتك كل خير أ/ *****

فعل gebären معناه "يلد" وطبعا أينشتاين ذكر فلو استخدمنا الماضي يبقى هو انجب مولود وربنا نتعه بالسلامة :D لكن في المبني للمجهول معناها انه اتولد... بس كده

سؤال رقم 40: ورد هذا السؤال بتاريخ 26.01.2019 على قناتنا على اليوتيوب:

السؤال:

شرح ممتاز يااستاذ بس بالنسبه للlassen مع الفعل الرئيسي ..كيف راح تكون الجمله اذا بالماضي .وشكرا لمجهودك .

الجواب:

لا شكر على واجب أ/ ***،

رح يكون زي أي Modalverb ... يعني:

Ich habe ihn schreiben lassen.

بمعنى "تركته يكتب" أو "سمحت له أن يكتب"... بس كده