سؤال رقم 21: ورد هذا السؤال بتاريخ 28.02.2018 على صفحتنا على الفيسبوك:
السؤال:
يعطيك العافية استاذ

لوكنت بدي اركب كلمتين يعني اسم الفعل مع اسم آخر اختار الآتكل للتسم الثاني كالعادة ولا في اختلاف؟ مثلا لو بدي احكي امتحان الكتابة. Das Schreiben Prüfung oder die Schreiben Prüfung

وشكرا,

الجواب:

كلامك صحيح لكن أمثلتك خاطئة... يجب ان يتم كتابة أي اسم مركب بدون فاصلة أو على الأقل بشرطة إذا كنت تريد تجنب المضاف إليه

Das Schreiben der Prüfung ist ........

Das Prüfung-Schreiben ist ....

لكن اسمين منفصلين ورا بعض فليس صحيح

سؤال رقم 22: ورد هذا السؤال بتاريخ 12.03.2018 على قناتنا على اليوتيوب:
السؤال:
اكثر من رائع استاذ ، ربي يوفقك 

بس عندي ملاحظة او اضافة بعد اذنك 

الاكوزاتيف الثاني ليس مجرور بل هو مفعول ثاني والاداة ليست اداة جر بل هي اداة لتعدي الفعل الى مفعول ثاني .. 

اذن في الكوزاتيف يكون مفعول اول .. ومفعول ثاني . 

واما المجرور يبقى لحالة الداتيف  واما النوعين في حالة الداتيف يكونو فقط مجرور وليس واحد مجرور وواحد مفعول غير مباشر .. 

اتصور هكذا منطقي اكثر واسهل للفهم .  مجرد رأي طبعا 

وشكرا كثير على مجهوداتك استاذ

الجواب:

تسلم أخي ***** على كلامك الطيب... ممكن حضرتك تكون فهمت بالأسلوب ده بشكل أبسط لكن المشكلة انه نحويا ليس صحيح فلا يوجد شيء اسمه أداة تعدي لمفعول في اللغة لأن التعدي لو تم عن طريق أداة فتكون هي حرف الجر ويكون المتعدى إليه مجرور.... حضرتك ممكن تكتب على جوجل "الفعل اللازم والمتعدي" هتلاقي الشرح الكامل له في العربية... 

بالتالي طالما ان هناك 6 حروف جر تسبب الـ Akk.

فلا حل اخر غير انه يكون مسببا لحالة جر...

وشكرا جزيلا على تعليقك المحترم والراقي

تابع السؤال:

شكرا استاذ احمد على ردك .. 

هو صحيح ماعندنش اداة للفعل المتعدي 

لكن عندنا الفعل المتعدي لمفعولين .. وايضا عندنا مفعولين .. والاداة موجودة باللغة الالمانية .. مثل ضمائر الاكوزاتيف المنفصلة فهي ايضا لاتوجد عندنا .. 

طبعا لا يجب تطابق القواعد بين اللغتين هنا .. 

فالمقصد من كلامي هنا انه عندما يكون الاكوزاتيف مفعول اول ومفعول ثاني .. او مفعول مباشر ومفعول غير مباشر حيكون ابسط للمتعلم .. والداتيف مجرور مباشر وغير مباشر .. وهكذا يكون فهم كلمة اكوزاتيف والداتيف اكثر منطقية حسب فهم المتعلم .. 

لانه عندما يجد ان الاكوزاتيف مرات بيكون مفعول ومرات بيكون مجرور .. حييتلخبط هنا .. وتعريف الاكوزاتيف بالمنصوب حيزيده تعقيد في فهم المتعلم .. لكن لو بيقي الاكوزاتيف بمعنى من وقع عليه الفعل اي المفعول حيكون ابسط 

والداتيف بمعنى من تأثر بالفعل اي من جر اليه اثر الفعل وهو المجرور حيكون ابسط 

طبعا هذا مجرد رأي ونقاش علمي ايجابي وليس انتقاذ لطريقتك المبدعة والرائعة جدا بل مدرسة جديدة في الشرح والايضاح .. وانا بحيك جدا جدا على افكارك الابداعية في تغيير وتطوير طريقة الانتريخت .. 

طبعا انا ايضا مدرس هاو للغة المانية للمبتدئين واستخدمت الطريقة التي قولتلك عليها .. ووجدت تجاوب كبير من المتعلمين وحسوا انهم فهموا الاكوزاتيف والداتيف بشكل مبسط . 

وشكرا على وقتك

الجواب:

المشكلة الوحيدة هي ان الطلاب لما يوصلوا مستوى متقدم ويلاقوا في كتب القواعد ان الفعل المتعدي متعدي بذاته وليس بإستخدام أي حرف جر في الألمانية فهيتلخبط ..

يعني لو حضرتك شوفت جزء التعدي في كتاب قواعد زي 

Neue Gelbe Dreyer Schmitt 

مثلا هتلاقي اللي بقول لحضرتك عليه..

في الألمانية مثل العربية مثل الإنجليزية ... كل القواعد نفس الشكل...

المتعدي في اللغة العربية هو الفعل الذي لا يحتاج لحرف جر ليتعدى لمفعول به...

زي مثلا helfen

وعشان كده الداتيف بعده خطأ نسميه مجرور ... 

لو تحب حضرتك راجع كتب القواعد ولو عندك أي سؤال يسعدني اجاوب عليه

سؤال رقم 23: ورد هذا السؤال بتاريخ 25.03.2018 على صفحتنا على الفيس بوك:

السؤال:

لسلام عليكم 

أستاذ أحمد لو سمحت عاوزة أسأل حضرتك بعض الأسئلة :

* Ich spreche ( nicht /kein /keine ) gut Deutsch .

* Ich spreche ( kein / nicht /keine )Japanisch .

بالنسبة للجملة الأولي هتبقي إجابتها nicht ? وهل gut هنا موقعها حال مش صفة ؟

الجملة الثانية هل إجابتها kein / nicht ? وهل أدوات اللغات كلها das يعني das Japanisch ?

وهل فيه فرق لما أقول : 

Ich spreche gut Deutsch .

Ich spreche Deutsch gut .

وآسفة علي إزعاج حضرتك وكثرة أسئلتي وجزاك الله كل خير علي إفادتنا ..

الجواب:

وعليكم السلام ورحمة الله وبركاته يا فندم,

ياريتك سألتي اليوم في البث المباشر كان يبقى أفيد للجميع...

في الجملة الأولى gut طبعا حال... لانها وصف للفعل زي ما اتفقنا... وفي الحالتين نفيها بـ nicht

وكلام حضرتك عن الجملة الثانية صحيح...

Ich spreche kein Japanisch.

اما في أخر مثالين فالتقديم والتأخير لن يغير من المعنى شيء لان gut في الحالتين Adverb...

ومفيش أي مشكلة أبدا حضرتك تقدري تسأليني أي وقت...

وجزاك الله خيرا مما رجوت...

سؤال رقم 24: ورد هذا السؤال بتاريخ 08.04.2018 على قناتنا على اليوتيوب:
السؤال:
ايه الفرق فرق بين.....

- Ich muss gleich weg.

- Ich muss gleich los.

الجواب:

السلام عليكم يا أستاذ **** ...

في الجملة دي بالتحديد مفيش فرق تقريبا... لكن عموما فيه فرق...

Weg

لما تيجي مع فعل تدي معنى الابتعاد

Weggehen, wegfahren, wegfliegen..

اما los فتدي معنى البدء أو الشروع في عمل شيء...

سؤال رقم 25: ورد هذا السؤال بتاريخ 24.04.2018 على قناتنا على اليوتيوب:
السؤال:

السلام عليكم استاذ .. 

عندي سؤال 

لنفرض ان شخص ما اتصل عليا وانا كنت عم اكل ولم استطيع ان ارد على الهاتف 

بعدها اتصلت على الشخص المعني اقوله انا اسف كنت عم اكل لهذا ما قدرت ارد عليك ..

اي الجمل صحيحة لازم اقولها 

Ich war Essen 

Ich war beim Essen 

Ich hätte Essen 

Ich hätte gegessen. 

انا هنا قصدي بلحظة الاتصال انا كنت عم اكل كيف اقول بالالماني 

انا كنت عم اعمل الشي الفلاني . 

لا اقصد انا عملت الشي الفلاني .

ياريت توضحلي هل هناك معنى ثاني لكلمة ( انا كنت ) بالالماني عدا كلمة ich war

الجواب:

وعليكم السلام ورحمة الله وبركاته وكل عام وانت بكل خير أخ ****،

الجكلة الصحيحة

Ich war gerade beim Essen

جملتك الثانية.. 

أنا فاهم قصد حضرتك ... للأسف زمن الماضي المستمر ليس له وجود في الألمانية وبالتالي نستعيض عنه بـ 

war gerade beim

بالتوفيق,

سؤال رقم 26: ورد هذا السؤال بتاريخ 10.07.2018 على صفحتنا على الفيس بوك:
السؤال:

السلام عليكم ... كنت عايز استفسر من حضرتك يا مستر احمد على كلمات للحفظ ف اللغه الالمانيه ...انا شوفت القواعد لكنى محتاج كلمات للحفظ ولا اجد على الصفجه شئ...ارجو الرد

الجواب:

وعليكم السلام ورحمة الله وبركاته يا أستاذ ****.

للأسف اللغة مش كلمات وقواعد... لازم يكون فيه كورس اكاديمي يكمل مع حضرتك لحد مستوى قوي... الكلمات تكون في سياق ونصوص... لكن مش مجرد قائمة ولا جدول.

تابع السؤال:
طيب الفيديوهات اللي حضرتك بتنزلها دي تكفي لاتقان اللغه؟؟؟ 

لاني عايز اتقن المستوي الاول ف البيت وبعدين اروح امتحن فيه... وكذلك ف بقيت المستويات...

الجواب:

للأسف لا ... فيديوهاتي لشرح القواعد فقط ... ونصيحة متدرسش البدايات لوحدك أبدا. هتبني دراستك ومعلوماتك على خطأ ومفيش متابعة من مدرس معاك ومفيش إشراف ولا رقابة على نطقك ولا سماعك، انت ممكن تسمع نفسك ممتاز وزي الألمان وتكون في الحقيقة بتنطق بشكل خاطيء، كمان مش هتقدر تتدرب محادثة مع نفسك، بالإضافة لأنك هتبدأ بشكل غير واعي في عمل افتراضات للقواعد وهيكون أغلبها خطأ وهتبني عليها قواعد تانية غلط، وغلط على غلط ومع الوقت هيثبت هيكون من المستحيل تصحيح ده فيما بعد! للأسف أعرف أمثلة كتير وفي فيدوهاتي عرضت منهم واتكلمت عن الموضوع في أكثر من درس.

تابع السؤال:

حضرتك دي مش بدايات... انا درست الالماني ف ثانوي 3 سنين... وقفلت الالماني ف ثانويه عامه وانا حاليا ف طب اسنان... 

يعني عندي الاساسيات بتاعت الماده ع الاقل... 

احنا ف طول ال3 سنين تقريبااا بناخد المستوي. A1 كلوو... 

وانا عايز اتابع ف البيت كامراجعه وكا تكلمه للمستوي B1. ع الاقل.... ولو خلصتهم ف البيت هراجع عليهم عن متخصص معنديش مشكله...دا صح ولا غلط؟؟

الجواب:

انا كمان كنت نفس المستوى في الثانوية العامة ويؤسفني ابلغك ان دراسة المدرسة لا تتجاوز A1.1

وبالتالي حضرتك لا تزال في البدايات... لو تحب حضرتك ممكن تعمل امتحان تحديد مستوى على الإنترنت.

دور على جوجل على  Einstufungstest ولو تجاوزت الـ A1 ساعتها نقدر نقول ماشي ممكن يكون فيه تكثيف دراسة في البيت.

سؤال رقم 27: ورد هذا السؤال بتاريخ 29.08.2018 على قناتنا على صفحتنا على الفيسبوك:
السؤال:

ما الفرق بين ، 

Ich melde mich krank 

Leider Ich bin krank

الجواب:

الجملة الأولى معناها : انا هسجل نفسي مريض... يعني مثلا هبلغ جهة عملي

التانية معناها انا مريض وبس

سؤال رقم 28: ورد هذا السؤال بتاريخ 07.09.2018 على قناتنا على اليوتيوب:

السؤال:

السلام عليكم ا احمد، اكرمك الله

Sowohl , als auch 

Nicht nur, sondern auch 

ينفع ييجوا مكان بعض ؟

Bitte versuchen Sie es morgen wieder /

Bitte versuchen Sie es morgen nochmal

ايه الفرق؟

الجواب:

السلام عليكم يا أ/ ****...

الله يبارك فيك ويحفظك

شوف يا أخي

Sowohl ... , als auch معناها ... هذا وأيضا هذا ...

nicht nur ...., sondern auch ليس فقط، بل أيضا

شوف انت بنفسك المعنى واحكم... طبعا في مواقف كتيرة ممكن استخدمهم بدون تغيير المعنى.

أخي طبيب وأيضا مهندس.

أخي ليس فقط طبيب بل أيضا مهندس

ايه الفرق؟

نفس الكلام بالظبط مع wieder و nochmal

واحدة معناها مرة اخرى والثانية معناها من جديد

في أغلب الأحوال أقدر أستخدم دي أو دي ..

زي العربي بالظبط

سؤال رقم 29: ورد هذا السؤال بتاريخ 10.09.2018 على صفحتنا على الفيسبوك:

السؤال:

Jetzt ist es schon bald ein halbes Jahr (her), dass ...............

ليه ما تنفعش vorbei موجوده ف الاختيارات؟

الجواب:

السلام عليكم يا دكتور ****،

her معناها 

حتى هذة اللحظة ويفهم ضمنيا "قبل مدة كذا وكذا"

Das war zwei Jahre her.

هذا كان قبل عامين.  اما vorbei

فمعناها انتهاء الامر او المدة، طبعا لن تناسب في هذة الجملة.

سؤال رقم 30: ورد هذا السؤال بتاريخ 15.09.2018 على صفحتنا على الفيسبوك:

السؤال:

السلام عليكم ورحمة الله .. ازي حضرتك؟ انا امتحنت السبت اللي فات امتحان DTZ B1 

 وجالي ف الجزء الأخير من ال lesen .. سؤال التكملة التالي 

Ich muss ( schon oder noch) nächst Monat mein Arbeit anfangen.

(sind oder wollen )Sie verstanden? 

يا تري ايه الاجابات الصحيحة

Danke im Voraus

الجواب:

وعليكم السلام ورحمة الله وبركاته أ/ *****

بالتوفيق بإذن الله،  السؤال الأول إجابته

Ich muss schon nächsten Monat meine Arbeit anfangen.

الجملة الثانية خاطئة وكل إجابتها خاطئة

أعتقد ان السؤال كان

(sind / wollen) Sie einverstanden?

وفي الحالة دي فالإجابة الصحيحة هي  Sind